Keho

Entregá keho na  Stichting Pensioenfonds Caribisch Nederland
Stichting Pensioenfonds Caribisch Nederland ta hasi esfuerso pa dunamentu di servisio na kliente ta ekselente. Sinembargo por sosodé ku abo komo  (èks)partisipante, penshonado, otro persona ku derecho di reklamá of dunadó di trabou afiliá, no ta satisfecho ku algu. Den e kaso ei bo por entregá un keho na nos fondo di penshun. Pèrkura pa bo deskribí bo keho mas kla i kompleto posibel. Menshoná  tambe bo informashonnan di kontakto: nòmber, adrès, telefon i adrès di e-mail.

Bo por entregá bo keho na e siguiente maneranan:
– Telefónikamente: 717-0984
– Via e-mail: info-bonaire@pensioenfonds-cn.com
– Via pòst: Kaya General Carlos Manuel Piar 5, Kralendijk, Boneiru

Den e reglamentu di keho bo ta lesa presis kon nos ta trata bo keho. I tambe kiko abo por hasi si bo no ta di akuerdo ku nos reakshon riba bo keho.

Nos ta tuma kada keho na serio i ta hasi nos máksimo esfuerso pa yega na un solushon apropiá. Bo opinion i komentario ta yuda nos pa sigui mehorá nos dunamentu di servisio na kliente. No duda pa tuma kontakto ku nos ora ku bo no ta satisfecho.