Kasi ku penshun

Seis luna promé ku bo edat di derecho di penshun, bo ta risibí di Pensioenfonds Caribisch Nederland (PCN) un karta tokante inisio di bo penshun, huntu ku diferente otro formulario. Despues ku bo a entregá bo formularionan yená i firmá, PCN ta sòru pa for di momentu di bo edat ku ta duna derechi riba penshun  bo risibí tur luna bo penshun.

PCN ta apliká e mes edat ku ta duna derechi riba penshun ku e edat di AOV di gobièrnu, esaki ta 65 aña.

Baha mas tempran ku penshun

Si bo baha mas tempran ku penshun, bo ta risibí un kompensashon di penshun mas abou si. Esaki ta pa motibu ku bo ta konstruí penshun riba un periodo mas kòrtiku i ku mester paga e penshun akumulá riba un periodo mas largu.

Si bo kier stòp di traha mas tempran, bo por tuma kontakto ku un di nos ofisinanan pa regla esaki.

Baha mas lat ku penshun

Bo por laga bo penshun drenta mas lat na vigor ku riba e edat di AOV, sinembargo maksimal sinku aña. E mester bai si den konsulta ku bo dunadó di trabou i solamente si bo sigui traha. Baha mas lat ku penshun ta nifiká, ku bo ta haña un pago di penshun konsiderablemente mas haltu. Esei ta pa motibu ku bo a akumulá penshun mas largu i pasobra ta paga bo penshun riba un periodo mas kòrtiku.


Si bo kier baha mas lat ku penshun, bo por indiká esei riba e formulario ku bo ta risibí di nos mitar aña promé ku bo edat ku ta duna derechi riba penshun.