Bo Fondo di Penshun

Bon ta konstruí penshun serka PCN. PCN ta atendé ku e areglo di penshun pa kolaboradónan den e ramo di empresa gobièrnu, enseñansa i entidatnan liá na esaki na Hulanda Karibense. E areglo di penshon ta obligá pa lei. E dunadónan di trabou asosiá, pa e motibu ei ta obligá pa registrá bo serka nos fondo i pa entregá na nos e prima di penshun pa bo.
PCN tin alrededor di 6.168 partisipante (2020) i ta manehá mas di 611 mion dòler merikano (situashon pa 31-12-2020). Nos konosé tres grupo di partisipante:

• Partisipantenan ku ta den servisio serka un di e organisashonnan ariba menshoná i ku ta konstruí aktivamente penshon nan ta yama partisipantenan aktivo.
• Personanan ku anteriormente a traha serka un di e organisashonnan akí pero ku na e momentunan akí ta traha pa otro organisashon ku no ta kai bou di e fondo di penshun nan ta yama ‘durmientenan’ òf èks partisipantenan.
• E di tres grupo di partisipante ta e penshonadonan. E grupo aki nan ta yama tambe ‘personanan ku derechi riba penshun’.

PCN mes ta hasi e atministrashon desde 1 di yanüari 2019 i a enkargá BlackRock ku e atministrashon di biennan. E direktiva ta haña sosten di spesialistanan di Montae & Partners.

Mishon

PCN su meta ta pa komo fondo di penshon pa ramo di empresa pa e sektornan gobièrnu, enseñansa, kuido i entidatnan liá na esei den Hulanda Karibense, ehekutá e kombenio di penshun di e entidatnan afiliá a base di e reglamentu di ehekushon di e fondo di penshun.

Direktiva di PCN al respekto ta aspirá – komo ehekutor ku responsabilidat final di e areglo di penshun ku e partnernan sosial a palabrá – un kalidat óptimo, presishon i frankesa relashoná ku e ehekushon ei.

PCN ta aspirá un bon fasilidat di penshun dor di keda mantené mas mihó posibel e forsa di kompra i derechonan di partisipantenan tantu na e momentunan akí komo den futuro.