Bo situashon privá tin influensia riba bo penshun. Ora di kambionan ta importante pa bo para ketu na e konsekuenshanan pa bo penshun.

• Kasamentu
• Yunan
• Divorsio
• Mudansa
• Fayesimentu

Kasamentu

Bo ta bai kasa promé ku e edat ku ta duna derecho riba AOV? Bo partner e ora ei ta haña derecho riba un penshun di famia ora bo fayesé.

Yunan

Si bo haña yu bo no mester mèldu esaki na e fondo di penshun. Nasementu di un yu no tin influensia riba bo penshun. Si bo fayesé bo yunan bou di sierto kondishonnan por tin derecho riba un penshun di huérfano. Si bo fayesé, e fondo di penshun ta tuma kontakto ku bo famia.

Divorsio

Si bo matrimonio terminá, bo èks partner tin derecho riba e penshun di famia ku a keda akumulá durante di e matrimonio. Esei yama penshun di famia partikular. Despues ku bo fayesé bo èks partner ta risibí e penshun di famia partikular. Bo por regla esaki otro durante di e matrimonio pa medio di akta notarial. Ora di divorsio bo por kombení otro pa medio di e veredikto di divorsio duná pa hues. Mèldu bo divorsio por eskrito serka e fondo di penshun. Bo mester presentá e palabrashonnan hasí formal (kombenio di divorsio).

Mudansa

Duna e fondo di penshun di konosé semper por eskrito di bo mudansa. E direkshon bo ta haña bou di kontakto.

Fayesimentu

Si bo fayesé, bo famia semper mester notifiká esaki por eskrito na e fondo di penshun. Mas tokante di esaki bo ta haña bou di fayesimentu.