Pagonan èkstra

Ora preisnan subi e pregunta ta:

Kon bo penshun ta mantené su balor?

PCN konosé un areglo di kompensashon kondishonal. Punto di salida al respekto ta ku en prinsipio ta adaptá kada aña riba 1 di yanüari e derechonan di penshun i e derechonan riba penshun na kostonan di bida ku a subi.

Den ki grado ta duna kompensashon ta dependé di e posishon finansiero di PCN.

Solamente si por konsiderá ku e posishon finansiero di e fondo di penshun komo sufisiente, ta duna kompensashon. Si e posishon finansiero ta insufisiente, e ora ei no ta duna kompensashon òf solamente un kompensashon parsial. Direktiva di e fondo di penshun ta stipulá anualmente si i te kon leu e posishon finansiero di e fondo ta sufisiente pa finansiá e kompensashon.

Tokante dunamentu di kompensashon

Ta finansiá e kompensashon for di rendimentu di invershonnan i/òf rekursonan disponibel Esaki ta e rendimentu riba invershonnan komersial i ta solamente un parti chikitu di e total di invershonnan.

No ta eksistí un derechi riba kompensashon. E fondo no ta forma reserva pa por duna kompensashonnan den futuro. No ta paga e kompensashon tampoko for e prima.
Si duna un kompensashon den kualkier aña, e ora ei esaki no ta forma niun garantia ku den futuro lo duna kompensashonnan tambe.

Direktiva di e fondo ta ehekutá aloménos un bes den tres aña un análisis di kontinuidat. E análisis akí ta duna un bista den ki grado por spera ku lo por bai duna kompensashon kondishonal.