Bo ta konstruí penshun

Serka PCN bo ta konstruí penshun, a base di un sistema di salario promedio. Na komienso di kada aña bo dunadó di trabou ta mèldu na PCN bo entrada di e aña ei (e salario ku ta duna penshun). E konstrukshon di bo penshon ta keda kalkulá a base di e salario akí. Bo ta risibí un bes pa aña un resúmen di penshun. Den bo resúmen di penshun bo ta mira loke bo a konstruí i loke bo por konstruí te na bo fecha di penshun.

Kon bo ta konstruí penshun?

Kada aña bo ta konstruí un parti di bo penshun. E penshun ei ta basá riba bo entrada di e aña ei. Tur e pida penshun huntu ta forma bo penshun final. Kada luna ku bo ta den servisio serka bo dunadó di trabou, bo ta konstruí un pidi penshun a base di e penshun ku ta na vigor pa bo den e luna ei. Pa aña bo ta konstruí 1,71% di e base di e penshun. Pa luna esaki ta 1/12 parti (0,1425%). Bo a risibí bo resúmen di penshun? Wak aki kiko bo mester hasi.

 Kiko ta e base di e penshun?

E base di e penshun = salario (máksimo) ku ta duna penshun -/- franchise.

E salario ku ta duna penshun ta bo salario bruto + pagonan adishonal (por ehèmpel plaka di fakansi, bónus di Pasku òf di fin di aña). Si bo ta gana mas ku e salario máksimo ku ta duna penshun, bo no ta konstruí penshun riba e parti adishonal ei di bo entrada.

E franchise ta e parti di bo entrada riba kua bo no ta konstruí penshun, pasobra bo tin derecho tambe riba pago di AOV di gobièrnu. Tur aña ta stipulá e franchise di nobo, ora e sumanan di AOV ta konosí.

Bo konstruí penshun pa bo sobrebibientenan tambe?

Ora bo fayesé, bo partner ta risibí un penshun di sobrebibiente. Esaki ta konta solamente pa e partner ku kende bo ta kasá òf ku kende bo tin un registrashon oropeo komo pareha. Si bo tin yu, nan por risibí un penshun di wérfano. Bo por lesa mas al respekto riba penshun di sobrebibiente i wéfano.

Ta bai hisa mi penshun?

Direktiva di PCN ta hasi esfuerso pa hisa anualmente bo penshun konstruí. Di e forma akí bo penshun ta subi huntu ku e desaroyo di preis (maksimal). E fondo mester tin sufisiente plaka den kaha si pa esaki. Bo ta lesa mas tokante esaki riba e página: oumentu di bo penshun.