SPLIKASHON PA
DUNADÓ DI TRABOU
Portal di dunadó di trabou
Bai nos ambiente interaktivo
Suministro anual di datonan salarial
Kada aña nos ta pidi bo pa mèldu e parti di salario ku ta konta pa penshun entrante 1 di yanüari di e aña ei. Ta importante pa bo hasi esaki mas rápido posibel den e aña nobo. Si nos no risibí e datonan akí, bo ta risibí di nos un faktura ku no ta korekto, ku ta basá ainda riba e datonan bieu. Asina ku nos kaba prosesá e datonan korekto, lo kobra bo e diferensia den un biaha.
Tanten ku nos no risibí e datonan korekto di bo, bo empleado no ta konstruyendo penshun korektamente. Esaki ta partikularmente hopi fastioso, si hustamente den e periodo ei un empleado baha ku penshun. Si no tin kambio kompará ku e aña anterior, nos ta pidi bo pa mèldu esaki tambe na nos.
Tepnan kiko bo tin ku paga tinu kuné ora di entregá mutashonnan den e portal di dunadó di trabou
Nos a kompilá e erornan mas frekuente aki bou:
Fecha
E anotashon di fecha semper ta DIA-LUNA-AÑA
Por ehèmpel 13 di yüni 1987 ta 13-06-1987
Salario
Ta usa un kòma (,) pa sèn i no ta usa punto pa sifranan di mil. No usa e signo di dòler.
Por ehèmpel 13860,34
Komunikashon
Mester yena e e-mail privá di e partisipante den e blòki akí.
Domisilio
Esaki ta e lugá òf bario unda bo ta biba i no e isla. Ta registrá e isla bou di Pais i tin diferente kódigo:
Boneiru 5106
Statia 5108
Saba 5109
Bo por haña e lista ámplio ku kódigo di pais den e manual.
Nos ta supliká bo pa ora di hasi uso di e portal di dunadó di trabou, usa semper e manual ku ta disponibel den e portal.
Kon ta determiná e salario ku ta konta pa e penshun i e base di penshun?
Base di penshun = salario (máksimo) ku ta konta pa e penshun -/- franchise.
E salario ku ta konta pa e penshun ta e salario bruto + sumanan adishonal (por ehèmpel plaka di fakansi, gratifikashon di pasku òf fin di aña). Si e salario ta mas haltu ku e salario máksimo ku ta konta pa e penshun lo no konstruí penshun riba e parti èkstra ei di entrada.
Franchise ta e parti di entrada ku no ta uza pa konstruí penshun, pasobra tin derecho riba un penshun di behes di gobièrnu. Ta stipulá e franchise tur aña, ora e sifranan di penshun di behes di e aña ei ta konosí.
Ta adaptá e salario máksimo ku ta konta pa e penshun anualmente na e subida di suèldo struktural serka Rijksdienst Caribisch Nederland.
Bo ta haña e haltura di e salario máksimo i e franchise aki.
Ehèmpel di kalkulashon di e parti di e salario fultaim ku ta konta pa penshun
Empleado fultaim |
100% |
Salario bruto pa luna |
$2.500 |
Salario bruto pa aña: 12 * $2.500 |
$30.000 |
Plaka di fakansi 8% |
$2.400 |
Gratifikashon di fin di aña |
$1.500 |
E parti di salario ku ta konta pa penshun |
$33.900 |
Ehèmpel di kalkulashon di e parti di e salario partaim ku ta konta pa penshun
Empleado partaim |
50% |
Salario bruto pa luna |
$1.500 |
Salario bruto pa aña: 12 * $1.500 |
$18.000 |
Plaka di fakansi 8% |
$1.440 |
Gratifikashon di fin di aña |
$750 |
Salario partaim |
$20.190 (50%) |
Salario fultaim |
$40.380 (100%) |
Bo ta mèldu e parti di salario fultaim ku ta konta pa penshun i e porsentahe partaim na nos.
PAGA TINU!
Si e parti di salario ku ta konta pa penshun ta mas abou ku e franchise, no ta konstruí penshun e ora ei. Bo no mester mèldu e empleado aki na PCN. Bo mester hasi esaki solamente ora e parti di salario ku ta konta pa penshun surpasá e franchise. Ta masha importante pa evaluá di antemano si esaki ta e kaso.
Kon ta kalkulá e prima?
Ta kalkulá e prima segun e base di penshun. Esaki ta e salario (máksimo) ku ta konta pa penshun minus e franchise. E franchise ta parti di e salario ku no ta uza pa konstruí penshun, pasobra e trahadó ta risibí penshun di behes tambe.
Bo ta retené tur luna un parti di e prima di penshun for di e salario di bo trahadó (prima di trahadó), esaki ta ⅓ parti di e prima total.
Komo dunadó di trabou bo ta paga e sobrá 2/3 parti di e prima (prima di dunadó di trabou).
No ta retené impuesto riba e prima. Na momento ku bo empleado bai ku penshun numa i e ta risibí penshun di PCN e ta paga impuesto.
Ehèmpel di kalkulashon di prima di penshun sin salario maksimalisá
Salario ku ta konta pa penshun pa aña |
$40.000 |
|
Franchise 2024* |
$24.803 |
-/- |
Base di penshun |
|
$15.197 |
Prima total 2024* |
35,0% |
$5.319 |
Parti di dunadó di trabou |
23,3% |
$3.541 |
Parti di empleado |
11,7% |
$1.778 |
Ehèmpel kalkulashon prima di penshun ku salario maksimalisá
Salario ku ta konta pa penshun pa aña |
$65.000 |
|
Maks. salario ku ta konta pa penshun 2024* |
$55.750 |
-/- |
Franchise 2024* |
$24.803 |
|
Base di penshun |
|
$30.947 |
Prima total 2024* |
35,0% |
$10.831 |
Parti di dunadó di trabou |
23,3% |
$7.211 |
Parti di empleado |
11,7% |
$3.621 |
*E haltura di e salario máksimo i e franchise bo ta haña aki.
Kon e konstrukshon di penshun ta sosodé?
Ta konstruí e penshun a base di un sistema mediano di sueldo. Na komienso di kada aña bo ta duna PCN di kada empleado e entrada di e aña ei (salario ku ta konta pa penshun). Nos ta kalkulá e konstrukshon di e penshun di e salario ei minus e franchise. E salario ku ta konta pa penshum ta maksimalisá. No ta konstruí penshun riba e salario ku ta bini riba esei. Anualmente ta adaptá e salario máksimo ku ta konta pa penshun na e subida di suèldo struktural serka Rijksdienst Caribisch Nederland.
Tur aña ta konstruí un pida penshun. E penshun ei ta basá riba e entrada di e aña ei. Tur pida pida penshun huntu ta forma finalmente e penshun di bo empleado. Pa aña e konstrukshon ta 1,71% di e base di penshun. Pa luna esaki ta 1/12 (o,1425%).
Haltura di e salario máksimo i e franchise bo ta haña aki.
Kiko ta sosodé si bo tin mutashon ku forsa retroaktivo (TWK)?
Komo dunadó di trabou bo mester hasi esfuerso pa semper duna nos e informashonnan korekto. Asina nos ta atministrá e konstrukshon di e penshun bon. Sa sosodé ku a hasi un kibukashon i mester korihí datonan ku forsa retroaktivo (TWK). Den konsulta ku bo manager di kuenta lo implementá e asina yamá mutashon TWK den e atministrashon di penshun. Bo por mira e mutashonnan parti abou di bo faktura regular, pareu ku a hasi e korekshon. Kontrolá e mutashonnan aki bon. Si bo tin pregunta tokante esaki, tuma kontakto ku bo manager di kuenta Diana Thomas.
Faktura mensual (ku eventual mutashon TWK) i maneho di kobransa
Faktura mensual (ku eventual mutashon TWK)
Nos ta manda un e-mail pareu ku bo faktura ta kla den e portal di dunadó di trabou. Kontrolá e faktura aki semper bon. Si tabatin mutashonnan TWK nos ta menshoná eseinan apart riba e faktura. Bo tin pregunta ainda di e faktura? Tuma kontakto e ora ei ku bo manager di kuenta Diana Thomas.
Klek aki pa un ehèmpel di e faktura.
Maneho di kobransa
Si tin retraso di pago PCN ta sigui un maneho estrikto di kobransa. E komunikashon den e kaso aki ta bai via di e manager di kuenta. E trayekto di kobransa segun Lei di Penshun Ámtenarnan BES i e Reglamento di Ehekushon ta komo lo siguiente:
- PCN ta manda tur luna un faktura di prima ku komo fecha límite e último dia di luna ku ta sigui e luna ku ta regardá e prima.
- PCN ta rapelá (karta pa e-mail) 10 dia despues di e fecha límite i e dunadó di trabou tin 10 dia di tempu pa paga. E manager di kuenta ta yama e dunadó di trabou pa rekord’é.
- PCN ta manda un notifikashon formal via karta registrá i e dunadó di trabou tin 30 dia di tempu pa paga. E manager di kuenta ta tuma kontakto telefóniko tambe ku e dunadó di trabou.
- Legalmente e dunadó di trabou debe interes for di un dia despues di e fecha límite.
- Por kobra gastunan di notifikashon.
- PCN por laga deurwaarder entregá un sitashon.
- PCN ta informá e empleadonan un luna despues di e promé notifikashon ku e dunadó di trabou no ta kumpli ku e primanan.
- PCN ta terminá e konstrukshon tres luna despues di a informá e empleadonan. E obligashon di pago no ta kaduká ku esaki.
Si bo tin problema ku pago, tuma semper kontakto ku bo manager di kuenta Diana Thomas. Nos ta purba yega na un solushon adekuá. Den mayoria kaso un areglo di pago ta posibel.
Kòntròl di datonan di bo empleadonan
Legalmente bo ta obligá di manda nos e datonan korekto di bo empleadonan.
PCN su intenshon ta pa kontrolá huntu ku bo atministrashon un biaha den tres aña e datonan di bo empleadonan ku ta konosí serka nos. E proseso aki ta parti di e relato anual di PCN. Ta kompartí e resultadonan ku e akountent di PCN. Si tin indikashon di omishon, ta korihí esakinan ku forsa retroaktivo.
Bo manager di kuenta ta tuma kontakto kubo pa pidi datonan i ehersé e kòntròl. Nos ta spera riba bo koperashon den esaki.or.
Empleado ta drenta nobo den servisio òf ta bandoná servisio
Empleado ta drenta nobo den servisio
Bo por registrá empleadonan nobo via e portal di dunadó di trabou. Ta importante pa hasi esaki mas rápido ku ta posibel, di manera ku nos atministrashon i bo faktura ta korekto i aktualisá.
Despues di e registrashon bo empleado ta risibí di nos un Konfirmashon di Entrada. Riba nos wèpsait bo por mustra bo empleado tambe e foyeto digital Bonbiní na PCN. Aki a inkorporá e informashonnan mas importante.
Empleado ta sali for di servisio
Bo mester kita nòmber di empleadonan ku ta sali for di servisio mas rápido ku ta posibel via e portal di dunadó di trabou. E ora ei e atministrashon ta aktualisá i nos no ta kobra prima mas pa e empleado en kestion. Tanten un empleado ta registrá serka bo, no por hasi un registrashon nobo serka un (eventual) dunadó di trabou nobo. Esei ta un motibu mas pa realisá mas lihé ku ta posibel ku el a renunsiá.
Despues di e renunsio bo empleado ta risibí un Konfirmashon di Salida. Bo por mustra bo empleado tambe riba e foyeto digital For di servisio, kaminda e por haña e informashonnan mas importante.
Prosedura ora di inkapasidat laboral, verlòf sin pago, posponementu di penshuna ÒF fayesimentu
Prosedura ora di inkapasidat laboral
Pa e prosedura di penshun di inbalides bo ta haña e konekshon aki.
Prosedura verlòf sin pago
Bo empleado ta bai ku verlòf sin pago? Mèldu esaki na nos via e-mail. Durante e periodo di verlòf sin pago tin ku paga solamente 25% di e prima di penshun total. Esaki ta e prima di riesgo den kaso di fayesimentu i inkapasidat laboral. Bo por determiná huntu ku bo empleado ken ta paga e prima. PCN ta kobra abo e prima.
E prosedura pa verlòf sin pago bo ta haña den artíkulo 15, insiso 4, di e reglamento di penshun. Si akaso bo a paga di mas, bo por reklamá esei serka nos.
Prosedura posponementu di penshun
Sigui traha ku mantenshon di konstrukshon
Bo a palabrá ku bo empleado ku e ta sigui traha i ta posponé e penshun, miéntras ku e konstrukshon di penshun ta kontinuá? E ora ei bo empleado por mèldu esaki na nos ku e formularionan risibí. Abo komo dunadó di trabou no mester hasi nada. Bo ta keda retené e prima for di e salario i bo empleado ta keda pará riba e faktura, di manera ku konstrukshon di penshun ta garantisá.
Keda traha sin konstrukshon
Abo a palabrá ku bo trahadó ku e ta sigui traha i ta posponé e penshun pa kua no ta sigui konstruí penshun? E ora ei bo mester mèldu ku e empleado no ta den servisio, via nos portal di dunadó di trabou. Bo por para e retenshon di prima riba e salario. Bo empleado no ta aparesé mas riba e faktura. E konstrukshon di penshun a para.
Prosedura fayesimentu di empleado
Si bo empleado fayesé, mèldu esaki mas rápido ku ta posibel via e-mail na nos. PCN por hasi tur preparashon e ora ei pa para e konstrukshon i prepará eventualmente penshun di biuda i wérfano.
Sifranan sentral (franchise, salario máksimo etc) i konseptonan di penshun
E reglamento di penshun konosé algun sifra sentral. Tur aña e direktiva ta stipulá esakinan. Riba nos wèpsait nos a pone e sifranan sentral bou di otro. Tambe nos a traha un resúmen di tur nos konseptonan di penshun.
![](https://pensioenfonds-cn.com/wp-content/uploads/2023/02/Diana-Thomas.jpg)
Bo manager di kuenta
T +599 717 0984 ofisina di PCN
M +599 701 6790 tambe na WhatsApp
Dianan di trabou: djaluna mainta, djamars i djaweps
Si nos tin pregunta tokante mutashonnan ku bo a manda, un kolega di
atministrashon di penshun ta tuma kontakto kubo dirèkt.
Último noticia
Relato anual resumí 2023
Ku suma plaser nos ta presenta e resumen di nos relato annual 2023 (solamente optenibel na hulandes) Klik riba e imágen
...Penshun di PCN i AOV? E ora ei bo pago neto por kambia
Si bo ta risibí penshun di PCN i AOV di RCN, e ora ei bo pago neto di bo penshun serka PCN por kambia. Esei ta pasobra e pago di AOV di RCN a subi 1 di yuli 2024.
...PCN ta selebrá logro importante den desaroyo di hotèl na Saba
Ku selebrashon di Pannenbier riba 26 di yüni na e anterior Scout’s Place na Saba, Fundashon Pensioenfonds Caribisch Nederland (PCN) a selebrá, kompletamente segun e tradishon den konstrukshon, e punto mas haltu di...
Grado di kobertura febrüari 2024
Tur luna nos ta kompartí ku bo e aktual grado di kobertura.
...Boletin informativo ‘Invertí sosialmente responsabel’
Kon nos ta hasi esei na PCN?. Lesa mas di esaki den e edishon special aki. I tira un bista partikularmente den e páginanan renobá di e website. Ku plaser nos ta sigui informabo! Klik AKI pa e buletin informativo.