Bo ta risibí penshun

Riba e página akí bo ta haña informashon práktiko tokante bo penshun.

Fechanan di pago

For di momentu ku bo tin derecho riba penshun, bo ta risibí bo penshun kada bes na fin di kada luna. Bo penshun ta poné pa mas tardá riba 21 di e luna riba bo kuenta. Esaki no ta e kaso? Tuma e ora ei kontakto ku nos. E fechanan di pago 2025 ta keda menshoná akinan.

Spesifikashon di penshun

Bo ta risibí na komienso di bo penshun un spesifikashon di bo penshun nèto. PCN ta sòru pa retenshon i traspaso di e impuesto di suèldu (loonbelasting) i primanan rekerí. Tambe nos ta tene kuenta ku e AOV ku bo ta risibí riba e islanan BES. A hasi e palabrashon akí ku servisio di impuesto BES. Esaki ta evitá ku (eventualmente) bo ta risibí un rekargo despues (naheffing) di servisio di impuesto.
Anualmente bo ta risibí na yanüari un spesifikashon di penshun pa e aña konserní. Den esaki e suma liber di impuesto i e sumanan nobo di AOV ta prosesá.
Tin algu ta kambia den e montante di bo pago? Den e kaso ei semper bo ta risibí un spesifikashon nobo di esaki.

Ta paga e penshun di bhes pa bida largy. E ta stop riba e último dia di e luna den kua bo fayesé.

Bo ta biba pafó di islanan BES?

Bo ta biba pafó di islanan BES? PCN ta pidi tur luna un prueba ku bo ta bida ainda. Nos ta manda bo p’esaki e formulario ‘Bewijs van in leven zijn‘.

Yena e formulario kada bia kompletamente i laga un outoridat kompetente firm’é, manera:

Un ámtenar di munisipio
Konsulado hulandes
Un ámtenar di polis
Un notario
Empleado di Representashon di Hulanda na Korsou, Sint Maarten i Aruba.

Otro outoridat no ta kompetente pa hasi esaki.

Bo mester manda e formulario tur aña pa nos. Si bo no hasi esaki, e ora ei e pago di bo penshun ta para.

Ta paga e penshun solamente despues di risibí e formulario. Lo paga e lunanan atrasá e ora ei den un solo tiru. Tene na kuenta ku esaki por tin konsekuensia pa bo penshun nèto. Ya ku nos ta mará na e reglanan di impuesto di Servisio di Impuesto Hulanda Karibense.

Resúmen anual

Si bo a baha ku penshun, bo ta risibí un resúmen anual di PCN. Akiden tin pará eksaktamente kuantu penshun bo a risibí den e aña anterior i kiko a retené na impuesto i prima di seguro di kuido. E resúmen anual bo por usa ora di yena bo deklarashon di impuesto. PCN ta manda tur aña den luna di yanüari e resúmen anual, huntu ku bo spesifikashon di e aña nobo.

Mudansa

Bo ta notifiká PCN òf na un di nos ofisinanan di mudansanan.
Bo por risibí bo penshun den eksterior tambe. Ta dependé di e pais unda bo ta biba si bo ta paga impuesto na Hulanda Karibense òf no. Pa mas informashon tokante esaki bo por tuma kontakto ku Servisio di Impuesto via +599 717 8333.

Benta di derecho riba penshun

E balor di e penshun di behes ku bo a konstruí riba e dia ku bo baha ku penshun ta mas abou ku un sierto mínimo? E ora ei bo ta haña henter penshon komo un suma den un solo tiru. E ora ei no tin derecho riba un pago mensual.

Entrante 1 di yanüari 2022 e siguiente sumanan anual bruto ta na vigor: