Preguntanan has?
frekuente

Akumulá penshun

Di kon mi no ta akumulá penshun riba henter mi salario?
Despues ya bo ta risibí tambe un kompensashon di AOV di gobièrnu. P’esei no ta nesesario pa bo akumulá penshun riba henter bo salario. E suma pa kua bo no ta akumulá penshun, ta yama franchise.

Mi por akumulá mas penshun?
No, den e areglo di penshun bo no por konstruí mas penshun. Legalmente ta stipulá kuantu penshun bo mag akumulá. Eventualmente bo por akumulá mas penshun si den un aseguro individual.

Mi por stòp tambe di akumulá penshun?
No, esei no por. Bo ta obligá pa partisipá na e areglo di penshun di bo dunadÓ di trabou.

Fayesimentu

Kon largu ta paga e penshun di sobrebibiente?
Ta paga e penshun di sobrebibiente pa bida largu na bo partner. Tanten ku bo yunan ta kumpli ku e kondishonnan, ora bo fayesé nan ta risibí te ora nan bira 21 aña, (studiante i yunan desabilitá te 25 aña) un penshun di wérfano. Si e wérfano ta òf tabata kasá, no tin derechi riba penshun di wérfano.

Mi partner ta risibí e penshun di sobrebibiente outomátikamente?
No, bo sobrebibientenan mester notifiká na PCN ku bo a fayesé. Despues numa PCN por paga e penshun di sobrebibiente na bo partner.

Mi por kambia mi penshun di sobrebibiente pa un penshun di behes mas haltu pa mi mes?
No, bo no por usa (kambia) e penshun di wérfano pa un penshun di behes mas haltu.

Inkapasidat laboral

Ami mes mester mèldu mi inkapasidat laboral na PCN?
Bo mes mester entregá un petishon pa penshun di invalides serka nos. E formulario bo ta haña akí formulario pa petishon di saminashon médiko IP
Por tuma un petishon pa e penshun di invalides den tratamentu numa, ora ku kùr bo af pa bo funshon serka bo dunadó di trabou.
Mas informashon tokante esaki bo por haña na un di nos ofisinanan.

Man na obra

Kiko mi mester tene na bista ora mi ora mi drenta den servisio un kaminda?
Si bo a drenta servisio un kaminda e ora ei ta importante pa bo sa kuantu penshun bo ta akumulá. I si esei despues ta sufisiente pa bo. Tambe bo por wak si ta prudente pa bai ku bo penshun di bo doño di trabou anterior pa esun nobo. Esaki nos ta yama traspaso di balor.

Kon ta informá mi tokante mi penshun?
Tur aña bo ta risibí un resúmen di bo penshun for di bo fondo di penshun. Chèk e resúmen aki bon, komo ku e ta bai tokante bo entrada pa despues. Despues ku bo a kuminsá partisipá na e areglo di penshun, bo ta risibí informashon amplio tokante bo areglo di penshun. Si bo ta deseá mas informashon, bo por tuma kontakto ku e fondo di penshun.

Mudansa

Mi mester informá e fondo di penshun di mi kambio di adrès?
Si, si bo muda, informá e fondo di penshun esaki por eskrito.

Otro trabou

Dikon lo mi bai ku mi penshun serka mi dunadó di trabou nobo?
Pasobra e ora ei bo ta tene tur bo penshunnan huntu. Bo ta risibí e ora ei penshun di un ehekutor di penshun. No ta tur ora ta faborabel pa bo bai ku bo penshun. Pidi konseho tokante esaki di bo konsehero finansiero.

Mi ta pèrdè mi penshun si mi sali for di servisio?
No, penshun akumulá unabes ta i ta keda di bo. Bo por laga bo penshun keda para serka PCN òf bai kuné serka bo dunadó di trabou nobo.

Oumento di penshun

Di kon un oumento ta importante pa mi penshun?
Pasobra bo penshun di otro manera no ta subi huntu ku preisnan. Pe motibu ei e penshun ta bai atras na forsa di kompra i den futuro lo bo por kumpra ménos ku awor.

Ken ta disidí si mi penshun ta subi huntu ku e preisnan?
E direktiva di e fondo di penshun ta stipulá anualmente si bo penshun ta subi. E desishon aki ta dependé entre otro di e situashon finansiero di e fondo di penshun.

Kiko ta sosodé si mi penshun no subi den sierto aña?
E ora ei bo penshun no a subi den e aña ei. Si bo no risibí oumentu durante mas aña esei ta afektá bo forsa di kompra despues di bo fecha di penshun. Bo por tuma medida na tempu dor di pone plaka un banda pa despues, promé ku bo fecha di penshun.

Penshun di gobièrnu

For ki momentu mi ta risibí AOV?
Bo ta risibí un kompensashon di AOV di gobièrnu for di bo edat ku ta duna derechi riba AOV. Mas informashon tokante esaki bo ta lesa riba e wèpsait www.rijksdienstcn.com.
Wak aki pa mas informashon tokante AOV.

Kon haltu e AOV ta?
Mas informashon tokante haltura di e AOV bo ta lesa riba e wèpsait www.rijksdienstcn.com.

Mi partner ta risibí un penshun di gobièrnu si mi fayesé?
Bo partner por tin derechi riba un kompensashon di AWW. Mas informashon tokante esaki bo ta haña riba www.rijksdienstcn.com.

Penshun di trabou

Mi mester mèldu mi mes pa e areglo di penshun?
No, esei ta sosodé outomátikamente via bo dunadó di trabou. Despues ku bo a kuminsá partisipá, bo ta risibí mas informashon di PCN.

Mi por renunsiá partisipashon den e areglo di penshun?
​​​​​​​No, bo ta obligá di partisipá den e areglo di penshun.

Mi ta outomátikamente sigurá pa penshun di partner pa mi partner?
Si, si bo ta kasá òf tin un sosiedat oropeo di pareha registrá bo ta e ora ei outomátikamente sigurá.

Risibí penshun

Mi por haña mi penshun pagá riba diferente kuenta?
No, esei no ta posibel.

Mi ta paga tambe belasting riba mi penshun den eksterior?
Esei ta dependé di e palabrashonnan ku a hasi entre Belastingdienst Caribisch Nederland i e pais kaminda bo ta òf ta bai biba.

PCN ta tene kuenta ku e suma liber di impuesto?
Asuntunan Social di Rijksdienst Caribisch Nederland ta tene kuenta ku e suma liber di impuesto riba bo pago di AOV. Si e suma liber di impuesto ta mas haltu ku bo pago di AOV, bo por usa e restu di e suma liber di impuesto pa bo pago di penshun di PCN. PCN por tene kuenta ku esaki si na inisio di bo kompensashon di penshun bo mèldu altura di bo kompensashon di bo AOV. Di e forma akí tambe e chèns ku Belastingdienst ta imponé un kobransa posterior ta bira ménos.

Sparmentu propio

Mi por spar pa èkstra penshun dentro di mi areglo di penshun?
Serka e fondo di penshun no tin posibilidat pa spar aserka, tin diferente alternativa pa spar pa èkstra penshun. Esaki por dor di spar bo mes, invertí, sera un seguro òf konstruí fortuna for di por ehèmpel bo propio kas òf akshonnan.

Yunan

Mi mes mester registrá mi yunan na PCN?
No, esei no ta nesesario. Ta despues ku bo fayesé numa PCN ta averiguá si bo tin yu.