Kiko ta penshun?

Penshun ta e entrada ku bo ta risibí for di e momentu ku bo bai ku penshun. Banda di esei bo eventual partner i òf yunan bou di sierto kondishonnan ta risibí penshun si bo fayesé. P’esei ta importante pa bo tin un bista na tempu den bo futuro situashon finansiero. Asina abo òf bo famia lo no haña boso ku sorpresa.

Kiko bo ta risibí?

Bo ta risibí for di e edat ku ta duna derecho riba penshun di behes, un penshun di behes (AOV) di gobièrnu. Banda di esei bo ta akumulá atraves di e ramo di gobièrnu, enseñansa, kuido i entidatnan liá na nan den Hulanda Karibense, un penshun komplementario serka Fondo di Penshun Hulanda Karibense. Kisas bo a akumulá penshun tambe via di bo anterior dunadó di trabou. Pero bo por a spar bo mes tambe pa un penshun èkstra.