Invertí

PCN ta invertí e primanan ku abo i bo dunadó di trabou ta paga pa bo penshun. Asina nos por laga bo penshun sigui krese. Invershonnan ta invershonnan den por ehèmpel kompania- òf gobièrnunan. Esaki por produsí ganashi, pero tambe pèrdida. Nos meta ta pa saka un rendimento mas haltu posibel for di nos invershonnan. I nos no ke tuma riesgo dimas hasiendo esei. Nos ta sali si for di un periodo largu na momento di konstruí bo penshun, kaminda ekonómikamente por bai bon i por bai ménos bon. Nos ta tene kuenta ku esei tambe den nos maneho di invershon.

Asina nos ta invertí

E invershonnan di PCN ta repartí den tres grupo. E promé grupo ta pa kolektá sufisiente sèn pa por paga penshunnan kuné. Esaki ta kasi mitar di e portafolio di nos invershonnan i ta konsistí di bononan di estado di Estados Unido. E motibu ta pasobra fondo di penshun ta paga penshunnan den dòler. Bononan di estado tin un periodo di balides largu kontra un interes fiho. Ku e invershonnan aki nos ta tuma tiki riesgo.

Ademas tin e grupo ku nos ke optené rendimento kuné, pa por oumentá penshunnan. Esei ta alrededor di 50% di nos invershonnan. Ku esaki nos ta invertí por ehèmpel den akshonnan di Oropa, Estados Unido i paisnan kresiente. Ku e invershonnan den akshonnan nos ta tuma un tiki mas riesgo. Pero di otro banda mas rendimento ta posibel ku esaki.

I alrededor di 5% di e biennan nos ta invertí lokal na Boneiru, Saba i Sint Eustatius.

Rendimento den e último 3 añanan

Invertí sosial responsabel

PCN ta haña importante ku bo plaka di penshun ta krese sufisiente. Pero nos ke hasi esei si na un manera duradero i sostené ekonomia lokal. Na un manera ku ta bon pa hende, medio ambiente i sosiedat. P’esei empresanan kaminda nos ta invertí, internashonal òf lokal, mester kumpli ku algun normanan mínimo. Esei ta normanan di anda bon ku medio ambiente, sirkumstansianan sosial i bon gobernashon. PCN no ta invertí den empresanan ku ta traha, mantené òf negoshá den armanan kontroversial.
 

Repartishon portafolio di invershon

Komo invershonista PCN ke aportá ku un kontribushon sosial importante. Pa e motitibu ei nos tin un maneho pa invertí responsabel. PCN por ehèmpel no ta invertí den empresanan ku ta skor malu riba durabilidat. PCN ta wak tambe e impakto sosial di nos invershonnan. Nos ta hasi esei dor di laga durabilidat tambe pisa den kada desishon ku nos tuma.  Aki bo ta mira e repartishon den nos portafolio di invershon. 

Invershonnan internashonal

Nos ta invertí internashonal spesialmente den akshon- i bononan den paisnan desaroyá. Ta invertí den akshonnan di Europa, Nort-Amérika, Hapon, Pasífiko i paisnan kresiente. Aki nos ta tene kuenta ku durabilidat. Tambe nos ta invertí den obligashonnan di estado Merikano ku un riesgo abou, bononan di empresa ku un riesgo un poko mas haltu i obligashonnan di estado di paisnan kresiente.

Makutu

PCN ta invertí na un manera simpel den un portafolio di bono- i obligashonnan ámpliamente repartí. Pa esaki nos ta uza ‘makutunan’ di bono i ‘makutunan’ pa obligashon. Den e makutunan aki bono- i obligashhonnan ta ámpliamnente repartí den e diferente pais- i sektornan. Asina’ki ta repartí e riesgonan. Un invershonista profeshonal ta manehá i kuida esaki kontinuamente.

Invershonnan na Boneiru, St. Eustatius i Saba

Desaroyonan lokal i sostenibel tin nos atenshon. For di 2017 nos ta invertí lokalmente tambe. Nos ta invertí den un proyekto lokal of nos ta duna un fiansa p’e. Esei nos ta hasi via nos Participatiemaatschappij Caribisch Nederland (PMCN). Wak aki nos invershonnan lokal.

Asina nos ta traha

PCN ta invertí un kapital di mas ku 560 mion USD pa mas ku 7.000 partisipante. Esaki ta un montante grandi. Ta p’esei nos ta anda ku kuidou ku nos invershonnan. Kada tres pa sinku aña PCN ta hasi un investigashon profundo di e desaroyonan di futuro di e fondo di penshun. A base di esaki nos ta skohe nos maneho di invershon pa término largu. Tambe nos ta traha pa kada aña un plan di invershon. Ku esaki nos ta pone man na obra. E direktiva i nos komishon di revishon ta para garantia ku ta ehekutá e plan bon.

Bo ke sa mas?
Bo ke sa mas di nos invershonnan? Lesa e kapítulo tokante invershonnan den nos relato anual. Bo ta hañ’é aki.