4asi ku penshun

Seis luna promé ku bo edat di penshun bo ta risibí di PCN un karta tokante e fecha ku bo penshun ta kuminsá, huntu ku un kantidat di formulario ku bo mester firma i debolbé. Esaki ta nesesario pa por regla bo pago di penshun na tempu.

Bo ta risibí bo penshun di PCN for di momentu ku bo penshun kuminsá, miéntras ku bo ta na bida. Si bo a nase promé ku 1964, bo edat di penshun den e kaso ei ta 65 aña. Si bo a nase den òf despues di 1964, esei ta 66 aña e ora ei.

Baha mas tempran ku penshun

Agregá un frase na komienso di e teksto akí. Bo tin mag di bai ku penshun for di ora ku bo hasi 60 aña, bo no tin nodi di warda te na ora ku bo hasi 65 òf 66 aña. Si bo baha mas tempran ku penshun, bo ta risibí un kompensashon di penshun mas abou si. Esaki ta pa motibu ku bo ta konstruí penshun riba un periodo mas kòrtiku i ku mester paga e penshun akumulá riba un periodo mas largu.

Si bo kier stòp di traha mas tempran, bo por tuma kontakto ku un di nos ofisinanan pa regla esaki.

Baha mas lat ku penshun

Ta posibel tambe pa bo laga bo penshun kuminsá mas lat ku e edat di penshun di 65 aña (si bo a nase promé ku 1964) òf 66 aña (si bo a nase den òf despues di 1964). Bo por posponé bo penshun te maksimalmente ora bo hasi 70 aña. Komo ku bo ta bai mas lat ku penshun, bo ta ta risibí un pago di penshun mas haltu. Bo ta sigui den servisio di bo dunadó di trabou despues di bo edat di penshun? E ora ei bo ta sigui konstruí penshun serka PCN.

Reskate di penshun

Si e balor di bo penshun di behes konstruí, riba e dia ku bo ta bai ku penshun ta mas abou ku un sierto mínimo stipulá? E ora ei bo ta risibí henter bo penshun komo un suma den un solo bia. Den e kaso ei bo no tin derechi riba un pago mensual.

Entrante 1 di yanüari 2024 e siguiente montantenan mínimo bruto anual ta na vigor:

• USD 1.915, si bo ta biba na Boneiru;
• USD 1.759, si bo ta biba na Sint Eustatius;
• USD 1.839, si bo ta biba na Saba;
• USD 1.759, si bo ta biba pafó di e islanan BES