lista di palabra
Konseptonan di penshun
Akuerdo di kompensashon
Un akuerdo kaminda ta stipulá e kompensashon di penshun.
Areglo di penshun
Areglo riba kua un partisipante ta paga primanan i ku ta garantisá e partisipante un entrada despues di baha ku penshun. Tambe yamá: akuerdo di penshun.
Asuntunan Sosial di Rijksdienst Caribisch Nederland
órgano gubernamental ku ta enkargá ku ehekushon di entre otro AOV i AWW.
Balornan di interes fiho
Nòmber kolektivo pa bononan i fiansanan privá.
Base di penshun
Esaki ta bo salario ku ta duna derecho riba penshun kitando e franchise. Esaki ta pues e parti di bo entrada riba kua bo ta akumulá bo penshun.
Basenan prinsipal
Informashonnan manera oportunidat di fayesimentu, oportunidatnan di inkapasidat laboral, kalkulashon di interes i kostonan ku ta usa pa por stipulá kuantu sèn ta nesesario pa por proba e penshun primintí.
Benefisiario
Un hende ku por reklamá derecho riba un kompensashon.
Buraku den penshun
E diferensia entre e altura di penshun deseá (norma di penshun) i e futuro kompensashon real (a base di reservanan akumulá).
Corporate governance
‘Corporate governance’ tin relashon ku un sistema di relashonnan entre e diferente órganonan di e empresa manera hunta di direktiva, hunta di komisario, akshonistanan i otro interesadonan, kaminda dunamentu di kuenta, transparensia i supervishon ta hunga un ròl sentral. Fondonan di penshun ta invertí den empresanan ku anotashon riba bolsanan di balor i ta komo tal akshonistanan prinsipal tambe.
De Nederlandsche Bank (DNB)
Responsabilidat pa supervishon riba e integridat di institutonan finansiero. For di e funshon aki DNB entre otro ta tene supervishon riba fondonan di penshun i kompanianan di seguro i riba areglonan di penshun ku dor di un dunadó di trabou ta segurá direktamente serka ku un kompania di seguro. Esaki anteriormente tabata kai bou di responsabilidat di Pensioen- & Verzekeringskamer (PVK). Desde fin di 2004 PVK ta aliá ku DNB.
Deklarashon kondishonal
Fondonan di penshun ta legalmente obligá pa informá bo tokante pagonan èkstra (indeksashon) ku nan ta duna. Tambe mester mèldu e pagonan èkstra ku por spera pa e próksimo añanan. Esaki ta sosodé den e asina yamá deklarashon kondishonal.
Derecho di penshun
Un derecho riba kompensashonnan di penshun den futuro. E derecho ta originá ku partisipashon na un areglo di penshun.
Derechonan di partisipante
Derechonan ku partisipantenan tin pa medio di un areglo di penshun òf pa medio di stipulashonnan legal. Tantu den término di sèn komo den término di derechonan hurídiko.
Derechonan di penshun
Derechonan ku partisipantenan tin a base di un areglo di penshun.
Divorsio
Divorsio pa medio di un veredikto den korte.
Divorsio
Separashon for di otro di partnernan registrá òf kasá.
E penshun alkansabel
Esaki ta e suma ku bo ta risibí anual na penshun for di bo bo edat di penshun ku ta pará riba e resúmen di penshun. Bo ta risibí e suma aki si bo a keda den servisio te e fecha ei i sigui akumulá penshun den un areglo di penshun. Bo penshun ta kuminsá kore riba e promé dia di e luna den kua bo ta alkansá e edat di penshun.
Edat di penshun
E edat riba kua a base di e areglo di penshun e penshun di behes ta drenta na vigor.
Eks artisipante
Un persona pa kende no ta paga prima di penshun mas. Tambe konosí komo ‘drumidó’.
Elementunan di fleksibilashon
Posibilidatnan di eskoho dentro di un areglo di penshun ku kua e partisipantenan por drecha nan pakete di penshun sigun nan sirkunstansianan individual i segun nan opinion.
Esun ku tin derecho riba penshun
Un persona ku reklamá derecho riba un kompensashon a base di e areglo di penshun.
Faktor A
E kresementu di penshun den un aña kalendario.
Famia di e defuntu
Dentro di e límitenan di un areglo di penshun esakinan ta: e viuda òf viudo, partner registrá òf partner ku kende ta eksistí un kontrato di kombibensia i ku a mèldu esaki na e fondo di penshun. Banda di esei e yunan di un partisipante ta konta komo famia.
Fondo di penshun
E fundashon ku ta sòru pa sigurá derechonan riba penshun, ku ta surgi for di un areglo di penshun, ku ta akumulá, registrá i manehá kapital. Un fondo di penshun por duna òrdu di ehekushon i sera un akuerdo di ehekushon ku un ehekutor di penshun.
Franchise
Esaki ta e parti di bo salario máksimo ku ta duna penshun riba kua bo no ta akumulá penshun. Bo no ta akumulá penshun riba esaki, pasobra for di bo 65 aña bo ta risibí un kompensashon di AOW di gobièrnu.
Fundashon
Persona hurídiko ku sierto kapital propio i sierto meta.
Grado di kobertura
E komparashon entre di balor efektivo di un banda di e derecho di penshun reglamentario na e momentu ei i di otro banda e kapasidatnan presente. E kapasidatnan presente ta e kuenta di e balor efektivo di e derechonan di penshun ku na e momentu ei ta finansiá i e eventual reserva èkstra general.
Indeksashon (mira tambe konseshon di suma adishonal)
Oumento di un penshun òf di un derecho riba penshun ku anualmente ta duna a base di un areglo deskribí den e reglamentu di penshun.
Informashon di salario
Spesifikashon di e relashon di trabou entre e doño di trabou i e trahadó, partikularmente informashonnan tokante kompensashonnan finansiero.
Kambio(nan)
Kambio entre sortonan di penshun. Por ehèmpel e posibilidat pa usa penshun di behes pa un medida di famia, òf kontrario e posibilidat pa usa penshun di famia pa penshun di behes mas haltu òf ku ta drenta mas promé na vigor.
Kapital
E kapital ku ta reservá pa por paga den futuro derechonan di penshun akumulá.
Kiebro di penshun
Un kiebro di penshun ta presentá ora un persona pa motibu di kambio di sírkulo di trabou òf dor di kambio di situashon serka e doño di trabou mester pasa pa un otro areglo di penshun òf temporalmente mester sali for di e areglo.
Kompensashon èkstra (mira tambe na indeksashon)
Oumento di un penshun òf di un derecho riba penshun, ku ta duna riba base insidental òf anualmente a base di un akuerdo deskribí den e reglamentu di penshun.
Kompensashon di penshun
Kompensashon a base di derechonan riba penshun.
Kresementu di e penshun
E suma di e kresementu di penshun anual, e faktor A, ta determinante pa kuantu espasio fiskal bo tin pa por komplementá bo penshun ku rentanan vitalisio. Bo kier hasi un kalkulashon? Hasi uzo e ora ei di e Programa pa kalkulashon di Renta Vitalisio di Servisio di Impuesto. Bo ta haña esei riba e website di Servisio di Impuesto. Bo konsehero finansiero tanbe por yuda den esaki. E kresementu di penshun ta menshoná tambe riba e Resúmen di Penshun Uniforme (UPO) ku bo ta risibí anualmente.
Límite máksimo salarial
Un límite parti ariba di e salario. Riba e salario ku ta surpasá esei no ta akumulá penshun.
Oumento di salario
Desaroyo di salario riba un sierto periodo.
Outperformance
‘Outperformance’ e diferensia entre e rendimentu lográ i e rendimentu di e ‘benchmark’ (positivo òf negativo).
Partisipante
Persona na kende a base di partisipashon na un areglo di penshun a otorgá futuro derechonan riba penshun.
Partisipante aktivo
E partisipante ku ta akumulá penshun den e areglo di penshun.
Partner
Ku pariente di e defuntu ta ser komprondé e hòmber of muhé ku ken e (ex)partisipante òf penshonado tabata kasá dia ku el a fayesé. Ku matrimonio ta ser poné igual un pareha registrá na Hulanda.
Penshonado
Un hende ku ta kobra un kompensashon di behes.
Penshun
Nòmber kolektivo pa kompensashonnan periódiko (mayoria bia pa luna), ku ta remplasá e salario anterior den kaso di behes, morto òf inkapasidat laboral. Karakterístika komum ta, ku pago di e penshun en todo kaso ta terminá asina ku esun ku tin e derecho muri i ku su akumulashon a tuma lugá relashoná ku ehersisio di trabou.
Penshun akumulá
Esaki ta e suma ku bo a akumulá na penshun anual. Figurá ku bo partisipashon a terminá 1-1-2010, e ora ei esaki ta o e kompensashon ku bo por spera na momentu ku bo bai ku penshun. E penshun akumulá aki ademas ta keda indeksá anualmente te e fecha di penshun. Si bo keda partisipante, e ora ei e akumulashon di bo penshun ta sigui normalmente den e areglo aki. Bo penshun ta drenta riba kada promé dia di luna den kua bo a alkansá e edat di penshun.
Penshun di behes
Penshun pa e partisipante mes. Pago di esei ta inisiá na e momentu ku alkansá edat di penshun i ta sigui kore te na momentu ku e penshonado fayesé.
Penshun di famia di defuntu
Penshun ku spesífikamente ta destiná pa e kompensashon na e partner i yunan ora ku bo fayesé.
Penshun di huérfano
Ta paga penshun pa esnan ku a keda tras despues di fayesimentu di un partisipante na e areglo di penshun – te na momentu ku alkansá sierto edat – na yunan e partisipante embolbí.
Penshun pa famia di defuntu
Penshun pa famia di defuntu pa e partner. Kompensashon ta tuma lugá despues ku e partisipante fayesé.
Pension Fund Governance (PFG)
Prinsipionan pa bon maneho di e fondo di penshun. Ta uza bon maneho di e fondo di penshun komo tradukshon di e terminologia ‘Pension Fund Governance’. Ta trata aki partikularmente di e forma kon ta organisá e direktiva, kon ta responsabilisá na interesadonan i e manera ku supervishon interno ta organisá.
Porsentahe di akumulashon
Esaki ta e porsentahe di e base di e penshun ku bo ta akumulá pa aña na penshun.
Porsentahe partaim
Esaki ta e proporshon entre e kantidat real di oranan di trabou akordá en bista di e base di durashon di trabou, ekspresá den un porsentahe.
Prestashon
E rendimentu total riba e invershonnan.
Prima
Esaki ta e suma ku bo ta paga pa akumulashon di bo penshun, inkluso e eventual prima boluntario èkstra.
Reglamentu di penshun
Deskripshon general di e areglo di penshun ku ta na vigor den e empresa , grupo di profeshon òf ramo di empresa. Eiden tin menshoná ken ta partisipá na e areglo, kon ta stipulá altura di e penshunnan, ki sorto di derechonan tin, kiko ta e konsekuensianan na momentu di retiru, matrimonio, divorsio, inkapasidat laboral, alkansá en fecha di penshun i fayesimentu. E reglamentu di penshun ta e base hurídiko for di kua esnan embolbí por derivá nan derechonan i kompensashonnan.
Relato anual
Relato di trabounan anual den kua ta stipulá e medida obligashonnan di penshun ta stipulá i den kua ta hasi análisis di e resultado tékniko.
Resúmen di penshun uniforme (UPO)
Resúmen standarisá ku fondonan di penshun i kompanianan di seguro ta usa pa duna kolaboradónan informashon personal tokante e kompensashon ora di bai ku penshun, fayesimentu i inkapasidat laboral.
Supervisor
Organisashon ku ta tene supervishon riba fondonan di penshun. Mira na De Nederlandsche Bank (DNB) i Autoriteit Financiële Markten (AFM).
Tabèl di sobrebibensia
Tabèl di sobrebibensia (tabèl di mortalidat), ta derivá di tabèlnan di mortalidat ku ta indiká kuantu persona ta na bida despues di x aña for di un kantidat stándart di 0-aña. E nòmber di e tabèl ta indiká riba kua periodo di opservashon a haña e informashonnan (por ehèmpel: poblashon kompleto 2000-2010.
Traspaso di balor
Traspaso di e balor efektivo di derechonan riba penshun pa evitá pèrdida di penshun momentu ku un trahadó ta kambio di areglo di penshun.
Traspaso di balor entrante ‘Inkomende waardeoverdracht’ (IWO)
Suma di plaka ku dentro di poko ta drenta di un ehekutor òf fondo di penshun anterior pa kumpra futuro derecho di penshun den e areglo nobo.
Traspaso di balor saliente
Suma di plaka ku ta transferí pa un otro ehekutor di penshun na benefisio di un partisipante pa kumpra aya derechonan di penshun.
Yu
Komo yu di e partisipante ta konta: propio yu òf yu di kriansa òf yu adoptá ku ta wòrdu mantené i eduká komo propio yu. Un yu por keda bin na remarke pa penshun di huérfano te na edat di 23 aña. Kompensashon ta tuma lugá despues ku partisipante di fayesé.
Bonaire
Kaya General Carlos Manuel Piar #5, Bonaire
T +599 717 09 84
E info-bonaire@pensioenfonds-cn.com
Habrí di:
08.30 – 12.00 uur
i di 13.00 – 16.00 uur
Sint Eustatius
Mazinga Square, Oranjestad, Sint Eustatius
T +599 318 32 18
M +599 416 68 60
E info-statia-saba@pensioenfonds-cn.com
Habrí di:
08.00 – 12.00 uur
Saba
Kaya General Carlos Manuel Piar #5, Bonaire
T +599 416 68 60
E info-statia-saba@pensioenfonds-cn.com
Preguntanan has frekuente
Mi mester mèldu mi mes pa e areglo di penshun?
Di kon un oumento ta importante pa mi penshun?
Mi ta outomátikamente sigurá pa penshun di partner pa mi partner?
Was mas pregunta frekuentemente hasí >>