PCN ta invertí den diferente proyekto na Boneiru, Sint Eustatius i Saba. Asina PCN
ta sostené ekonomia lokal, hopi biaha ku konservashon di patrimonio kultural i funshon sosial. Esaki nos ta hasi via Participatie Maatschappij Caribisch Nederland (PMCN).

Aki bo ta haña algun ehèmpel:

Boneiru

1. Fundashon Cas Boneriano 

PCN a otorgá un fiansa pa konstruí 500 bibienda sosial. Ku esaki nos ta yena un nesesidat grandi pa kasnan pagabel.

2. Hotel Central
Atkisishon di Hotel Central, konsistiendo di 20 kamber di hotèl, espasionan sentral i un espasio komersial. Un kompleho úniko na un sitio ekselente. Kla pa floresé bou di liderazgo nobo i ku talentonan nobo.

Sint Eustatius 

1. The Hill Compound 

Atkirí na sèptèmber 2019. Despues di renovashon – bou di supervishon di un spesialista – e apertura ofisial a tuma lugá na novèmber 2024. E kombinashon aki di edifsionan monumental ta brinda unidatnan pa diferente meta, manera espasio pa ofisina, restorant i pakus. Pa e proyekto aki nos ta dirigí nos fuertemente riba mantenshon di e balor históriko, kontribushon ekonómiko i sosial. Aki bou por mira e hotèl promé i despues di e renovashon.

2. The Old Gin House 

Invershon pa renobashon, espasio pa lùnch, bar/kafé i restorant. Enfoke fuerte riba mantenshon di balor históriko i kontribushon ekonómiko i sosial.

Saba 

1. Breadline Plaza 

Invershon den kompleho ku espasio pa 4 kas, panaderia, òptika, ofisina di djentista i un ofisina di pòst. Un sitio gustá pa bishitantenan i esensial pa komunidat di Saba.

2. The Scenery Hotel (anteriormente konos’i komo Scout’s Place)

A kumpra e edifisio monumental aki ku e parselanan rònt di dje na novèmber 2020. A drecha e hotèl, a modèrnis’é i ámpli’é. Ta spera di hasi e apertura den e di tres kuartal di 2025. Ku e proyekto aki nos a pone un enfoke fuerte riba patrimonio, servisio i un kontribushon ekonómiko i sosial mas grandi. Aki bou por mira e hotèl promé i durante e renovashon.