Bo Fondo di Penshun
Bon ta konstruí penshun serka PCN. PCN ta atendé ku e areglo di penshun pa kolaboradónan den e ramo di empresa gobièrnu, enseñansa i entidatnan liá na esaki na Hulanda Karibense. E areglo di penshon ta obligá pa lei. E dunadónan di trabou asosiá, pa e motibu ei ta obligá pa registrá bo serka nos fondo i pa entregá na nos e prima di penshun pa bo.
PCN tin alrededor di 5.734 partisipante (2019) i ta manehá mas di 510 mion dòler merikano (situashon pa 31-12-2019). Nos konosé tres grupo di partisipante:
- Partisipantenan ku ta den servisio serka un di e organisashonnan ariba menshoná i ku ta konstruí aktivamente penshon nan ta yama partisipantenan aktivo.
- Personanan ku anteriormente a traha serka un di e organisashonnan akí pero ku na e momentunan akí ta traha pa otro organisashon ku no ta kai bou di e fondo di penshun nan ta yama ‘durmientenan’ òf èks partisipantenan.
- E di tres grupo di partisipante ta e penshonadonan. E grupo aki nan ta yama tambe ‘personanan ku derechi riba penshun’.
PCN mes ta hasi e atministrashon desde 1 di yanüari 2019 i a enkargá BlackRock ku e atministrashon di biennan. E direktiva ta haña sosten di spesialistanan di Montae & Partners.
Invershon responsabel
PCN ta para pa un penshun bon i pagabel i ta di opinion ku invershon responsabel ta kontribuí na realisashon di esaki pa e aktual i futuro generashonnan. P’esei PCN, unda ta nesesario i posibel, ta duna atenshon na tópikonan ekológiko, sosial i di bon gobernashon. Tambe ta ekskluí di antemano sierto invershonnan, manera den arma i munishon kontroversial.
Nos atministradó di biennan na nòmber di PCN ta hiba deliberashonnan ku empresanan tokante e tópikonan akí i unda ta posibel ta hasi uso di e derechi di voto ku nos tin. Periódikamente nos atministradó di biennan ta informá nos tokante e aktividatnan akí pa medio di reportahenan di ‘Corporate Governance.
Ún di e ‘investment beliefs’nan (vishonnan) di PCN ta ku a base di metanan sosial i konsiderashonnan di riesgo/rendimentu, e ta skohe pa invertí un parti di su rekursonan den e ekonomia lokal. E invershonnan lokal mester ta relevante pa e komunidat. Na 2018 a hasi e promé invershon lokal pa medio di un Kompania di Partisipashon Hulanda Karibense, Participatie Maatschappij Caribisch Nederland (PMCN), ku a funda pa e meta ei. Pa medio di PMCN, PCN a duna un fiansa na EZ Air pa kompra di dos avion, destiná pa e tráfiko aéreo entre e islanan ABC i Colombia.
Bonaire
Kaya General Carlos Manuel Piar #5, Bonaire
T +599 717 09 84
E info-bonaire@pensioenfonds-cn.com
Habrí di:
08.30 – 12.00 uur
i di 13.00 – 16.00 uur
Sint Eustatius
Mazinga Square, Oranjestad, Sint Eustatius
T +599 318 32 18
M +599 416 68 60
E info-statia-saba@pensioenfonds-cn.com
Habrí di:
08.00 – 12.00 uur
Saba
Kaya General Carlos Manuel Piar #5, Bonaire
T +599 416 68 60
E info-statia-saba@pensioenfonds-cn.com
![Sigui-nos-riba-Facebook Volg-ons-op-facebook](https://pensioenfonds-cn.com/wp-content/uploads/2021/07/Sigui-nos-riba-Facebook.jpg)
![Keda-tene-bo-mes-na-altura-di-loke-nos-ta-hasi](https://pensioenfonds-cn.com/wp-content/uploads/2021/07/Keda-tene-bo-mes-na-altura-di-loke-nos-ta-hasi.jpg)
Preguntanan has frekuente
Mi mester mèldu mi mes pa e areglo di penshun?
Di kon un oumento ta importante pa mi penshun?
Mi ta outomátikamente sigurá pa penshun di partner pa mi partner?
Was mas pregunta frekuentemente hasí >>