Órgano Konsultativo i di Responsabilisashon

E Organo di Konseho i Responsabilisashon (AVO) ta konsehá direktiva. AVO mas aleu ta outorisá pa opiná tokante:

• Aktuashon di e direktiva a base di e relato anual, e kuenta anual i otro informashon (por ehèmpel tokante e konklushonnan di e Hunta di Supervishon);
• E maneho ku direktiva a hiba, komo tambe tokante e eskohonan di maneho pa futuro.

Despues ta publiká e opinion akí huntu ku reakshon di direktiva riba esaki i ta pon’é den e relato anual di PCN.

Konstelashon

E AVO ta konsistí di tres miembro. Un miembro di e órgano ta biba na Saba, un miembro ta biba na Sint Eustatius i un miembro ta biba na Boneiru. Un miembro ta representá tur esnan embolbí di e isla konserní. AVO por disidí ku un miembro ta representá sierto grupo di esnan embolbí.
Nombramentu ta sosodé dor di direktiva riba postulashon di e entidatnan afiliá di e isla konserní, e organisashonnan laboral di trahadónan i e organisashon di penshonadonan konhuntamente. Direktiva por postulá un kandidato ora di hasi e petishon pa postulashon di kandidato. Por postulá solamente personanan ku ta biba riba e isla konserní i ku ta partisipante, eks partisipante òf ku tin derecho riba penshun.

Miembro Bonaire:
Eleyane Paul-Nicolaas (Presidente)

Miembro St. Eustatius
Jeanette Hooker

Miembro Saba:
Raquel Granger