Den bo trabou

Aki bou bo ta haña un resúmen di e kambionan den bo trabou ku por tin influensia riba bo penshun.

• Traha mas òf ménos
• Otro trabou
• Desempleá
• Inkapasitá pa traha

Traha mas òf traha ménos

Si bo bai traha mas òf traha ménos esei tin konsekuensia pa bo penshun. E montantenan ku e fondo di penshun ta reservá pa bo penshun ta basá riba bo salario. Si bo bai traha mas òf traha ménos, bo salario ta kambia i pues bo penshun tambe. Si bo bai traha mas ora, e ora ei bo ta konstruí mas penshun. Si bo bai traha ménos ora, e ora ei bo ta konstruí ménos penshun. Bo dunadó di trabou ta mèldu e kambionan akí. Ta adaptá outomátikamente altura di bo prima di penshun. Abo no tin mester di hasi nada. 

Kambia di dunadó di trabou

Si bo drenta den servisio serka un dunadó di trabou ku ta afiliá na PCN, bo ta sigui konstruí penshun serka PCN. Si bo bai un otro dunadó di trabou, e ora ei probablemente bo ta bolbe konstruí penshun aya. E penshun ku bo a akumulá serka PCN, ta keda di bo. Bo por lag’e para serka PCN. Of bo por bai kuné na bo fondo di penshun nobo òf kompania di seguro di bida unda bo ta konstruí penshun (wak traspaso di balor).

Traspaso di balor

Ehekutornan di penshun por pone kondishonnan pa koperá ku traspaso di balor. Na momento di traspasonan di balor di i pa paisnan pafó di BES ta konta ademas ku Servisio di Impuesto ta pone kondishonnan adishonal. PCN ta koperá solamente ku traspasonan di balor pa i di paisnan dentro di Reino Hulandes.

Bo ta solisitá un traspaso di balor por eskrito serka bo ehekutor di penshun nobo dentro di 2 aña despues di retiru. E ehekutor di penshun nobo ta tuma kontakto ku bo anterior ehekutor di penshun, ku seguidamente, eventualmente via bo, ta suministrá e ehekutor di penshun nobo un spesifikashon di bo penshun ku bo a konstruí i e balor di traspaso korespondiente. Bo ta risibí un spesifikashon sin kompromiso di bo ehekutor di penshun nobo. Den e spesifikashon aki tin pará kuantu penshun bo ta risibí di bo ehekutor di penshun nobo si bo skohe pa traspaso di balor. Ta traspasá bo penshun ku bo a konstruí otro kaminda solamente si bo bai di akuerdo ku e spesifikashon aki.

Traspaso di balor por dura algun luna. Pa traspasonan di balor di i pa eksterior hopi bia e periodo por dura mas largu. Ora e traspaso di balor ta reglá, bo ta risibí di nos un konfirmashon.

Bo mester di ayudo na momento di entregá un petishon pa traspaso di balor? Tuma kontakto trankil numa ku un di nos ofisinanan. Gustosament nos ta sigui yudabo.

Desempleá

Ora di desempleo bo relashon di trabou ku bo doño di trabou ta terminá. Si bo no ta traha mas, bo no ta paga prima di penshun mas i bo no ta akumulá penshun. E penshun ku bo a akumulá, ta keda wardá bo serka e fondo di penshun.

Inkapasitá pa traha (inválido)

Bo no por traha mas i bo ta permanente inkapasitá pa traha? E ora ei bo tin derechi riba un penshun di invalides. Bo ta pidi e penshun akí serka e fondo di penshun. Kondishon ta ku e dòkter di kompania di bo dunadó di trabou a kùr bo af pa bo funshon. E fondo di penshun ta disidí riba bo petishon, despues ku a kùr bo af médiko.

E penshun di invalides ta igual na e penshun di behes ku lo bo por a alkansá na edat ku ta duna derechi riba AOV, inkluso un suma adishonal te na e edat ku ta duna derecho riba AOV. E último akí ta e penshun di invalides temporal i ta kaduká asina ku bo yega bo edat ku ta duna derecho riba AOV.
Bo por pidi mas informashon tokante e penshun di invalides na un di nos ofisinanan.