Kiko ta reglá pa bo eventual miembronan di famia na ora di morto? Esei bo ta lesa aki bou.

Kompensashon AWW di gobièrnu

Na momento di bo morto bo partner i/òf yunan posiblemente tin derecho riba un kompensashon di gobièrnu. Esaki ta reglá den e Lei general di biuda i wérfano (AWW). Bo partner mester hasi petishon pa e kompensashonnan aki na Sèrvisio di Reino Karibe Hulandes (RCN). RCN ta regla e AWW na nòmber di gobièrnu. Wak aki pa mas informashon: rijksdienst.com.

Penshun di sobrebibiente di bo fondo di penshun

Pa e partner

Si bo muri durante bo partisipashon na e areglo di penshun i bo ta kasá na e momento ei?  E ora ei bo partner ta risibí pa bida largu un penshun di sobrebibiente di PCN. E penshun aki ta 70% di e penshun di PCN ku bo por alkansá. Esaki ta e penshun ku bo por a alkansá si bo a keda partisipá na e areglo di penshun te na e fecha di penshun.

Si ta trata di fayesimentu despues di e fecha di penshun? E ora ei bo partner ta risibí 70% di e penshun di PCN.

Bo no a bai ku penshun ainda, pero bo no ta konstruí penshun mas na PCN? E ora ei bo partner ta risibí na ora di bo morto 70% di e penshun di PCN ku a konstruí kaba.

Pa e yunan

Bo eventual yu(nan) ta risibí na ora di bo morto te ora nan kumpli 21 aña (studiante i muchanan desabilitá te ora nan kumpli 25 aña) un penshun di wérfano tanten ku nan ta kumpli ku e kondishonnan korespondiente.

Muchanan pa ken bo tabatin un deber di mantenshon òf yu(nan) di kriansa tin bou di kondishonnan derecho riba penshun di wérfano.

Si bo yu ta kasá  òf tabata kasá? E ora ei e no tin derecho riba penshun di wérfano.

E penshun di wérfano ta 14% di e penshun di PCN. Si un mucha no tin niun mayor mas despues di bo morto, e ora ei e penshun di wérfano ta 28% di e penshun di PCN.