Ora bo fayesé, no ta informá PCN outomátikamente di esei. Bo sobrebibientenan mester partisipá bo fayesimentu na PCN. Si tin derechi riba penshun di sobrebibiente i/òf di wérfano, PCN despues ta tuma kontakto ku bo sobrebibientenan. PCN ta regla outomátikamente e eventual kompensashon di un penshon di sobrebibiente patikular (na un eks partner).

Ora bo partner fayesé

Ora bo partner fayesé, esei no tin ningun konsekuensia pa bo penshun serka PCN. Si no ta pidi bo pa partisipá fayesimentu di bo partner na PCN.

Ora bo yu fayesé

Fayesimentu di un yu no tin konsekuensia pa bo penshun serka PCN. Bo no mester partisipá fayesimentu di un yu na PCN.

Kompensashon di pena (smartengeld)

Si ya bo ta risibí penshun di behes di PCN kaba i bo fayesé, PCN ta paga kompensashon di penshun tres luna mas na bo sobrebibientenan. Sin no tin sobrebibiente i otronan a hasi gastu relashoná ku bo entiero, por tin derechi riba plaka di pena. Tuma den e kaso ei kontakto ku un di nos ofisinanan.

Penshun di wérfano pa yunan ku ta studia òf ta inválido

Wérfanonan te 21 aña ta risibí un penshun di PCN. Wérfanonan entre 21 i 25 aña por haña un penshun di wérfano si nan ta studia òf ta inválido. Na mester demostrá esei ku e formulario Deklarashon di estudio òf invalides wérfano entre 21 i 25 aña. Si un wérfano ta kasá òf tabata kasá, e derechi riba penshun di wérfano ta kaduká.